يعنى ايه مصر؟

مصر يعنى كل شيء جميل .... مصر يعنى الشمس وهى بتلالى على النيل

مصر يعنى كوباية شاى بحليب الصبح وياسلام لو جنبها قراميش

مصر يعنى نفس الكوباية بس سادة ساعة العصارى وحكاوى ونميمة ما بتتنتهيش

مصر يعنى ام كلثوم وعبد الحليم ... مصر يعنى عبد الوهاب وطبعا طبعا منير وعمرودياب

مصر يعنى اتنين بيتخانقو فى وسط ميدان ومابينهم 20 او30 او 40 انسان ماتعرفش جايين منين ولا هما مين

مصر يعنى نزلة السمان وركوب الخيل ودق الحنة والفضة وقهوة الفيشاوى فى الحسين

مصر يعنى مزيكتك يا عمر خيرت ودى مافيهاش كلام

مصر يعنى الزعيم عادل امام و100 تعظيم سلام

مصر يعنى راجل مفيش فى جيبة غير جنية بس عرف يفطر ويتغدى ويتعشى بيه

مصر يعنى كام رغيف سخن وطعمية وعسلية ومهلبية وكشرى بتقليه

مصر يعنى خروج يوم الخميس وافراح كذا عروسة وعريس

مصر يعنى جو الجامعة وتطنيش المحاضرات والافلام والحوارات والترتيب للرحلات ( اه صحيح والاهرامات )

مصر اللى لو صغرت فى عيون الدنيا سبحان الله يا اخى فى عنينا بتكبر

ووسع بقلا للى جاى . مصر يعنى اهلى وزمالك ازاى ازاى والفرق التانية

ياعم سيبك فرق ايه

مصر يعنى فلاح بيزرع فى قلب غيط وابنه متغرب فى الكويت

مصر يعنى حب وغرام بين الشباب وحكاوى عشق تتحكى فى مليون كتاب

مصر يعنى كل شيئ صافى وجميل وعليها بس شوية تراب


ارجو الرد

مش بقولك عبلغ عنك

بس هيا دة بلدك بحلوها ومرها وبابا غنوجها وسلططها

موضوع مية مية بس ناقص فى حتة الجامعة (المظاهرات)

مصر يعنى كل شى للعقل الجيد
مصر تعنى الحب الصدر الحنون للام التى تحتضن ابنها




وهذا يدل على انك لا تعرف معنى مصر
فمصر يا صديقى بمعنى امك وابوك واخيك وكل عائلتك واذا طردتك عائلتك من البيت لا تفعلها مصر تطردك ابدا لا واذا كنت منبوذ من الجميع وتستحق الطرد انظر الى من يحبون مصر


هل ترى الغرباء يمدحون مصر وانتى تنبوذها

يا حليم ده موضوع هزار متخدش الحكاية جد